Dagiti OFWs*

(Author's Note: For the past couple of days, I have been watching videos on YouTube about the Philippines and Filipinos who are or have been working and living overseas like Italy, Spain, Canada, etc. Watching the videos makes me feel nostalgic and, at the same time, critical especially with the "exodus" of adventurous and courageous Filipinos. Hence, my reaction is captured in my Ilokano poem below which I humbly dedicate to our OFWs. Dare I say to them, "Mabuhay" and "Maraming salamat sa inyong lahat! ("Long live" and "Thank you to all of you!") May God bless US always!)

Dagiti OFWs*

Exodus dagiti umili a napili

A napinget a rumuar iti pagilianna

Ket agbirok ti trabahona

Iti sabali a daga...

Gapu iti rigat

Ti biag a nakayanakanda

Lumuasda ket umadayoda

Agarubos luluada

Saem, sakit ti nakem ibturanda

A mangpanaw ti lugarda

Pamiliada ken kakabagianda

Uray pay dagiti gagayyemda

Tapno makigasanggasatda

Iti ballasiw-taaw 

A datdatlag kadakuada

Iti damona.

Nagkas-ang a panunoten

Kitaen, denggen, lagipen

Ken mapagpapatangan

No apay nga adda exudos 

Dagiti Filipino iti nakaipasngayanda

Ket agsakripisio ken aganusda

Iti lugar  ken amo a pagserbianda

Tapno birokenda ti gasatda

Ken inda padasen a gun-oden

Napintas, naraniag a masakbayanda.

Wen, awanen talekda

Napukawen namnamada iti pagilianda

Awanen makitada a pagsayaatanda

Ken lumung-awanda

No agintekda iti lugarda

No di laeng umadayoda

Panawanda ti nakayanakanda.

Copyright 2014 by Chris A. Quilpa

*Overseas Filipino Workers