Search This Blog

Tuesday, January 1, 2013

Baro a Tawen, Baro a Nakem*

*An Ilokano composition of mine first published in www.iluko.com in 2008. The poem simply speaks of New Year, New Thinking. The message is still relevant today.

Baro a Tawen, Baro a Nakem

Baro a tawen, baro a nakem
panangbaliw ugalitayo a di rumbeng
tapno napintas a gasattayo dumteng
manipud taaw ni biag a mangliwengliweng.

Baro a tawen, baro a nakem
padatayo a pinarsua intay' laglagipen
andingayen, linglingayen, tarabayen
tapno biagda-biagtayo sumayaaten.

Baro a tawen, baro a nakem
guran-gura intayo kadi lipaten
kabusortayo agbalin koman a gayyem
tapno langeb-manto ti lubong mapukawen.

Baro a tawen, baro a nakem
salun-at, sanikuatayo, intayo ilalaen
bagi ken panunottayo intay' taripatuen
tapno biagtayo umattiddog ken rumangen.

(c) 2013 by Chris A. Quilpa



No comments:

Post a Comment